Երազանքի հյուրասենյակ։ Հյուրասենյակի կահույքի ընտրության գաղտնիքները

Երազանքի կահույքը աչքի է ընկնում ներդաշնակ գույներով, բնական նյութերով ու մանրամասն մշակված դետալներով։ Այն համատեղում է դասական գեղեցկությունն ու ժամանակակից հարմարավետությունը՝ ապահովելով ոճային հավասարակշռություն։ Բնական փայտ, բամբակյա գործվածքներ, քարե մակերեսներ՝ այս ամենը բնության ներկայությունը բերում Է դեպի տուն։Երազանքի կահույքի հիմք կարող են հանդիսանալ բնական նյութերը ՝ որոնք ստեղծում են հավերժական և ջերմ ինտերիեր։

Հյուրասենյակը այն վայրն է,որտեղ պետք է տիրի ընտանեկան ջերմություն, խաղաղ միջավայր և ներդաշնակություն։ Հենց այնտեղ են անցնում ամենաջերմ պահերը ընտանիքի և ընկերների հետ ։ Հյուրասենյակը տան սիրտն է, վայր՝ որտեղ ծնվում են ուրած հիշողությունները, սկսվում են ընտանեկան ջերմ զրույցները՝ համեմված ուրախ ժպիտներով։ Կահույքի ընտրությունը արվեստ է։ Ճիշտ ընտրված կահույքը կարող է նույնիսկ ամենապարզ սենյակը դարձնել երազանքի հյուրասենյակ։ Գրագետ կահավորված հյուրասենյակը պետք է արտացոլի բնակիչների բնավորությունը և ստեղծի ջերմ միջավայր։ Ահա մի քանի, գաղտնիք որոնք կօգնեն կատարել ճիշտ ընտրություն։

1. Հատկացվող տարածք

Հաճախ մարդիկ ընտրում են կահույք առանց տարածքի չափագրման ։ Նախքան կահույքի ընտրությունը անհրաժեշտ է չափել տարածքը հաշվի առնելով դռների և պատուհանների առկայությունը, այնուհետև ըստ չափսերի ընտրել տարածքին համապատասխան կահույք։ Փոքր սենյակների համար նպատակահարմար է ընտրել ավելի կոմպակտ և ֆունկցիոնալ կահույք, այս պարագայում ավելի նախընտրելի են անկյունային տարբերակները։ Ավելի մեծ տարածքների համար նախընտրելի են մոդուլային տարբերակները։

2․ Ոճի ընտրություն

Ընդհանուր դիզայնը պետք է համահունչ լինի հյուրասենյակի ներքին միջավայրին։ Պահպանելով ոճական միասնությունը պետք է ընտրել ոճին համապատասխան կահույք, որը կապահովի ինտերիերի ամբողջական տեսքը։ Օրինակ՝ նեոկլասիկ ինտերիերում հաճախ օգտագործվում են փայտե դետալներով բազկաթոռներ, մինչդեռ մինիմալիստական տարբերակում ավելի արդիական է մաքուր գծերով պարզ դիզայնն ։ Դասական ոճը պահանջում է մանրակրկիտ մշակված դետալներ և հարուստ նյութեր։ Ժամանակակից ինտերիերում կարելի է համադրել տարբեր նյութեր՝ մետաղ, փայտ, ապակի՝ ստեղծելով դինամիկ և նորաձև միջավայր։

3․ Գունային համադրություն

Գունային ճիշտ համադրությունը կարող է փոխել սենյակի մթնոլորտը։ Անհրաժեշտ է ընտրել այնպիսի գույներ, որոնք համահունչ են պատերի և հատակի հետ։ Խորհուրդ է տրվում ընտրել բնական և չեզոք գույները, որոնցից են կաթնագույնը, սպիտակը, մոխրագույնը և շագանակագույնը՝ իրենց բոլոր երանգներով ։ Բաց, նուրբ գույները ավելի մեծ և թեթև են դարձնում ձեր հյուրասենյակը, իսկ մուգ գույները կարող են հարմար լինել մեծ սենյակներում՝ եթե ցանկանում եք ընդգծել խորությունն և հարմարավետությունն։ Այս գունային համադրությունները հարմար են գրեթե բոլոր ոճերի համար և հեշտությամբ համադրվում են տարբեր դեկորների և աքսեսուարների հետ։ Բարձները, գորգերը և վարագույրները պետք է համադրվեն կահույքի գույնի ու ոճի հետ՝ ստեղծելով ամբողջական միջավայր։

4․ Հարմարավետություն որակ

Հյուրասենյակի կահույք ընտրելիս հարմարավետությունն ու որակը ամենակարևոր գործոններից են, քանի որ հենց այս միջավայրը նախատեսված է հանգստի, շփման և ընտանեկան ջերմ հավաքույթների համար ։ Բազմոցների հարցում կարևոր է հարմարավետությունն ու որակը։ Որակյալ բազմոցը պետք է ունենա ամուր կոնստրուկցիա՝ պատրաստված մետաղից կամ փայտից։ Ընտրե՛ք ձեզ հարմար նստատեղի խորություն և թիկնակի բարձրություն։ Կարևորություն տվե՛ք այնպիսի արտադրողների կամ բրենդների, որոնք ունեն երաշխիք։

5․ Լուսավորություն

Լուսավորությունը կարևոր դեր է խաղում հյուրասենյակի ինտերիերում ՝ ստեղծելով հարմարավետ միջավայր, ընդգծելով դիզայնի առանձնահատկությունները և ապահովելով ֆունկցիոնալություն։ Ճիշտ կազմակերպված լուսավորությունը կարող է սենյակը դարձնել ավելի ընդարձակ, ջերմ և ընդգծել կահույքի շքեղությունը։ Հյուրասենյակում խորհուրդ է տրվում օգտագործել բազմաշերտ լուսավորություն, որը տարածվում է ամբողջ սենյակով։ Սովորաբար լինում է առաստաղային լամպեր կամ ներկառուցված լուսարձակներ։ Պետք է կարևորություն տալ նաև բնական լուսավորությանը։ Փորձե՛ք սենյակը լցնել բնական լուսավորությամբ և վարագույրներ ընտրել թափանցիկ կամ կիսաթափանցիկ նյութերից։ Բնական լույսը վիզուալ ընդարձակում է ներքին տարածքը, և նպաստում է ջերմ մթնոլորտի ստեղծմանը։